İordaniyanın paytaxtı Ammаnda keçirilən cüdo üzrə gənclər arasında Asiya Kubokunda Azərbaycan millisinin bütün təmsilçiləri medal qazanıblar.

Apasport.az xəbər verir ki, komandamız ilk yarış gününü 2 qızıl, 2 gümüş və 1 bürünc olmaqla ümumilikdə 5 medalla başa vurub.

Gülşən Hüseynova (-48 kq) və Ayan Əliyeva (-63 kq) turnirin qalibi olublar. Gülgəz Musayeva (-48 kq) və Aytən Verdiyeva (-57 kq) gümüş, Çinarə Sadıqova (-52 kq) isə bürünc medal əldə edib.

Azərbaycan yığması qızların mübarizəsində komanda hesabında birinci, ümumi sıralamada isə ikinci yeri tutub.

Qeyd edək ki, beynəlxalq yarışda 19 ölkədən 121 cüdoçu iştirak edir.

• "Sərhədçi" və "Xəzri" üz-üzə
• AFFA Abdullayevin şikayətini qəbul etmədi
• Xavi Asiya yolunda
• PFL iki oyunun vaxtını dəyişdi
• Bundesliqada cari mövsümün ən yaxşı futbolçusu bəlli olub