Lionel Messi yığmada 100 qol səddini adlayan üçüncü futbolçu olub.

Apasport.az saytının məlumatına görə, 36 yaşlı hücumçu Argentina yığmasının Kurasao ilə yoldaşlıq oyununda buna nail olub.

Messi 7:0 hesablı qələbəyə üç qolla töhfə verib. Bununla da forvardın yığmadakı qollarının sayı 102-yə çatıb.

Lionelə qədər yalnız iki futbolçu “100”ü keçib. Dünya rekordu Portuqaliya millisində 122 qol vuran Kriştiano Ronaldoya məxsusdur. İranlı Əli Daei 109 dəfə fərqlənib.

Qeyd edək ki, Azərbaycan millisinin rekordçusu Qurban Qurbanovun aktivində 14 top var.
 

• Emin İmaməliyev: "Yəqin ki, Kadi "Ferentsvaroş"u daha çox istəyib deyə..." - MÜSAHİBƏ
• Dünya çempionatında Azərbaycanı 9 taekvondoçu təmsil edəcək
• “Fənər”in maraqlandığı futbolçu Argentina klubuna keçib
• Samir Abasov: "Bu, müqaviləsi bitən məşqçiyə aid sual deyil"
• Rəşad Sadıqov: “Maraqlı və gərgin çempionat alındı”