Azərbaycan Voleybol Federasiyasının prezidentinin müşaviri, CEV İdarə heyətinin üzvü Cəlil Cəfərov avrokubokun finalına təyinat alıb.

Apasport.az xəbər verir ki, həmyerlimiz qadın voleybolçular arasında Çağırış Kubokunun həlledici matçında CEV rəsmisi kimi meydana çıxacaq.

C.Cəfərov Fransanın “Neptunes NANTES” və İtaliyanın “Igor Gorgonzola NOVARA” klublarının qarşılaşmasında CEV-in nümayəndəsi olaraq hakimlərin və supervayzerin işini qiymətləndirəcək.

Bu görüşün ədalət təmsilçiləri monteneqrolu Jelena Mitrovic və polşalı Wojciech Maroszek olacaq. Matç fevralın 28-də “Salle Sportive Métropolitaine REZE” arenasında keçiriləcək.

Qeyd edək ki, finalın ilk oyunu İtaliya təmsilçisinin quru hesablı qələbəsi ilə yekunlaşıb.

• Elmar Baxşıyev: “Xahiş edirəm ki, komandanı Naxçıvana qaytarsınlar”
• David Şvarqa: "Onun səyləri nəticəsində istədiyimiz nəticəni qazandıq" - MÜSAHİBƏ
• "Arsenal" – "Bayern" matçı bu kanalda
• "Yuventus"un yarımmüdafiəçisi klubunu dəyişib
• “Sabah” Yusif İmanov qərarından narazıdır: Klub AFFA-nı qanunsuzluqda günahlandırdı