Harri Keyn gələcək karyerası ilə bağlı qərarını verib.

Apasport.az saytının məlumatına görə, İngiltərə millisinin futbolçusu şərəfini qoruduğu “Tottenhem”dən ayrılacaq.

O, London klubunu tərk etmək istəyi ilə bağlı rəhbərliyi məlumatlandırıb. Premyer Liqa təmsilçisi hücumçunun mövsümün sonunda getməsi ilə barışıb.

“Tottenhem” Keynin xəbərdarlığından sonra onu satmağa bir şərtlə razıdır ki, hücumçu İngiltərənin digər klubuna keçməsin. 29 yaşlı forvardı heyətinə qatmağa əsas namizəd PSJ-dir. “Bavariya”nın da onun xidmətində maraqlı olduğu iddia edilir.

Qeyd edək ki, Harri cari mövsümün 46 oyununda 28 qol vurub. Onun müqaviləsi 2024-cü ilin yayında başa çatacaq.

• Qurban Qurbanov: “Sumqayıt” yaxşı təşkilatlanmış komandadır”
• İslam Oyunları: Təmsilçimiz yarımfinala vəsiqə qazanıb
• İsmayıl Zülfüqarlı: “Adrian Mutu mənə inanır və güvənir, bunu dəyərləndirəcəm” - MÜSAHİBƏ
• Azərbaycanın daha bir boksçusu dünya çempionatında yarımfinala yüksəlib
• Saşa Yunisoğlu: “Rahil fiziki göstəricilərinə görə Polşaya uyğundur” - Müsahibə