İsveçrə millisinin sabiq baş məşqçisi Vladimir Petkoviç Əlcəzair millisini çalışdıracaq. 

Apasport.az Əlcəzair Futbol Federasiyasına (FAF) istinadla xəbər verir ki, İsveçrə millisinin və "Latsio"nun sabiq çalışdırıcısı Vladimir Petkoviç Əlcəzair millisinə baş məşqçi təyin edilib. 

60 yaşlı bosniyalı mütəxəssislə müqavilənin şərtləri dəqiqləşdirilməyib.

O, Afrika Millətlər Kubokunda uğursuz çıxışından sonra vəzifəsindən uzaqlaşdırılan Djamel Belmadini əvəzləyib.

Qeyd edək ki, Petkoviçin son iş yeri 2021/22 mövsümündə çalışdırdığı Fransa “Bordo”su olub. Bosniyalı 2012-2014-cü illərdə "Latsio"ya rəhbərlik edib və romalılarla İtaliya kubokunu qazanıb (2013).

• Ukrayna millisinin üzvü "Qarabağ"da
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Ağasəlim Mircavadov: “Həyəcan keçirirəm, hirslənirəm ki...” - MÜSAHİBƏ
• 17 yaşlı forvard Braziliya millisində rekord qırdı
• Millimizin üzvü: "Ən yaxşı oyunçu seçiləcəyimi gözləmirdim"