Ölkə çempionatına yekun vurulub

01.12.2024 - 19:21

Bu gün cüdo üzrə Azərbaycan çempionatına yekun vurulub.

Apasport.az xəbər verir ki, komanda yarışları keçirilib.

Yarışda qadınlar arasında 7 komanda 5 çəkidə - 52 kq, 57 kq, 63 kq, 70 kq və 70 kq dərəcələrində mübarizə aparıb. Finalda "Neftçi" və "Şuşa" cüdoçuları qarşılaşıblar. Gərgin mübarizənin yekununda "Neftçi" 3:2 hesabı ilə qalib gələrək, qızıl medallara sahib olub.

Kişilər arasında isə 9 komanda kubok uğrunda qüvvəsini sınayıb. Onlar 66 kq, 73 kq, 81 kq, 90 kq və +90 kq çəki dərəcələrində tatamiyə çıxıblar. Qızıl uğrunda "Cüdo klubu 2012" və "Atilla" yarışıblar. Daha güclü olan birincilər Azərbaycan çempionu tituluna yiyələniblər.

Qeyd edək ki, çempionatın ilk iki günündə şəxsi yarışlarda qaliblər müəyyənləşib.