İtaliya A Seriyası komandalarından “Milan” heyətini gücləndirmək istəyir.

Apasport.az xəbər verir ki, Milan təmsilçisi 2 ulduz futbolçunun transferində maraqlıdır.

Belə ki, öncəliyi “Mançester Yunayted”dən Markus Reşford olan "rosyonerilər" ingilis futbolçunu transfer edə bilməzsə, “Çelsi”dən Joao Feliksi heyətinə qatmağa çalışacaq.

İtaliya təmsilçisi portuqal oyunçu üçün 40 milyon avro ödəməyə hazırdır.

Xatırladaq ki, 25 yaşlı Joao “Çelsi”yə ötən il “Atletiko Madrid”dən 52 milyon avroya transfer olunub.

Qeyd edək ki, forvard bu mövsüm “zadəganlar”ın heyətində çıxış etdiyi 20 rəsmi matçda 7 qol, 2 məhsuldar ötürmə ilə yadda qalıb.

• PSJ səfərdən 3 xalla dönür
• Kosovo - İsrail görüşünün tarixi müəyyənləşdi
• Platini VAR-a “yox” deyir
• İki oyunluq KUPON
• “Ayaks” qara zolaqdan çıxa bilmir