“Qəbələ” 2023-24 mövsümünün ikinci yarısının hazırlığına start verib.

Apasport.az xəbər verir ki, bunu klubun mətbuat xidməti açıqlayıb.

Misli Premyer Liqasının XVIII turunun “Sabah”la oyunundan sonra istirahətə buraxılan “qırmızı-qaralar” bu gün bir araya gəlib. Komanda qış təlim-məşq toplanışının ilk gününü bir məşqlə yekunlaşdırıb. Baş məşqçi Elmar Baxşıyevin rəhbərliyi altında gerçəkləşən hazırlıq prosesi günün ikinci yarısına təsadüf edib.

“Qəbələ” toplanış çərçivəsində iki yoxlama oyunu keçirəcək. “Qırmızı-qaralar” yanvarın 10-da “Kəpəz”, 15-də “Araz-Naxçıvan”la üz-üzə gələcək. Matçların başlama vaxtları ilə bağlı əlavə məlumat veriləcək. 

Qeyd edək ki, mövsümün ikinci yarısına yanvarın 21-23-də keçiriləcək XIX turun oyunları ilə start veriləcək. “Qəbələ” öz meydanında “Sumqayıt”la qarşılaşacaq.

• "Omoniya"nın futbolçusu: "Qarabağ" əməlli-başlı digərlərindən öndədir"
• "Neftçi"dən transfer həmləsi: DANIŞIQLAR BAŞLADI
• Qubada cüdo üzrə yeniyetmələr arasında Avropa Kubokunun açılış mərasimi keçirilib 
• İsveç kubokunun finalının tarixi dəyişdirildi
• UFC 325: Fiziev üçün ağır son - İKİNCİ RAUNDDA NOKAUT