Sabah keçiriləcək Azərbaycan - Haiti matçından öncə yığmamızın futbolçusu Bəhlul Mustafazadə mətbuat konfransında iştirak edib.

"Haiti millisi bizə o qədər tanış olmayan rəqibdir. Amma onların oyunlarını izləmişik. Yaxşı oyunçuları var. Bizi maraqlı oyun gözləyir"

- Millidəki ab-hava necədir?
- Ab-hava çox yaxşıdır. Bu matçda da çalışacağıq ki, düzgün oynayaq və məşqçinin göstərişlərini yerinə yetirək. Hər şey qaydasındadır. Bu oyunlarda qələbə qazanmaq istəyirik.

- Millidəki təcrübəniz çoxdur, amma təcrübəsi az olan oyunçular var. Onlarla uyğunlaşma necədir?
- Yeni gələnlərin hər biri həvəslidir. Biz də belə idik. Çox istəyirlər ki, milli formanı geyinsinlər. Təcrübəli oyunçular çalışır ki, adaptasiya prosesində onlara kömək etsinlər. Hər şey yaxşıdır.

- Bu matçda sizin üçün nəticə qazanmaq vacibdir?
- Düzgün oynamaq da vacibdir. Bizim üçün önəmli olan düzgün oynamaq və qalib gəlməkdir. Hər ikisi vacibdir. Amma daha önəmlisi qələbə qazanmaq mentalitetinin davam etməsidir.

• Kyellini yenidən "Yuventus"da - RƏSMİ
• Krunoslav Renduliç: "Məqsədimiz ikincilik uğrunda mübarizə aparmaqdır"
• "CBC Sport"un baş redaktoru: "I Liqanın bir neçə oyununu da canlı yayımlamağı nəzərdə tutmuşuq"
• Ruslan Əmircanov 2-ci liqa klubunda
• Azərbaycan paralimpiyaçıları Fəxri xiyabanı və Şəhidlər xiyabanını ziyarət ediblər