Səudiyyə Ərəbistanının paytaxtı Ər-Riyadda keçirilən VI İslam Həmrəyliyi Oyunlarında növbəti yarış günündən sonra medal cədvəli yenilənib.

Apasport.az xəbər verir ki, hazırda turnirə Türkiyə liderlik edir. Qardaş ölkənin idmançıları 26 qızıl, 6 gümüş və 4 bürünc medal qazanaraq ümumilikdə 36 medalla birinci pillədə qərarlaşıblar.

İkinci yerdə 17 medalla Özbəkistan (4 qızıl, 9 gümüş, 4 bürünc), üçüncü pillədə isə Nigeriya (4 qızıl, 1 gümüş, 1 bürünc) yer alıb.

Azərbaycan idmançıları da uğurlu çıxışlarını davam etdirir. Təmsilçilərimiz 2 qızıl, 3 gümüş və 12 bürünc medal olmaqla ümumilikdə 17 mükafat toplayaraq medal sıralamasında 6-cı pillədə qərarlaşıblar.

Qeyd edək ki, İslam Həmrəyliyi Oyunları noyabrın 21-də başa çatacaq.

• "Baku Open-2025” Beynəlxalq Şahmat Festivalına yekun vurulub
• Ronaldinyo: "Onunla heç vaxt oynaya bilmədiyim üçün peşmanam"
• “Qalatasaray”dan Barış Alper Yılmaz və Abdülkerim Bardakcı açıqlaması
• Azər kimdir, Füzuli kimdir? - "Karvan"da rəsmi kimsə var?
• "Qalatasaray"lı futbolçu millinin matçında zədələnib