Yunanıstanın paytaxtı Afinada U17 dünya çempionatına start verilib.

Apasport.az xəbər verir ki, ilk yarış günündə yunan-Roma güləşi üzrə 48, 55, 65, 80 və 110 kq-da finalçılar müəyyənləşib.

Qurban Məcnunov (48 kq) debütdə qazaxıstanlı Nurdaulet Kumaruliylə bacarmayıb – 0:10.

Nihat Bəhmənov (55 kq) ermənistanlı Merujan Mxitaryana 5:1, rumıniyalı Patrik Kroitoruya isə 3:1 hesabıyla qalib gələrək 1/4 finala yüksəlib. Ancaq onun yarımfinal yolunu qazaxıstanlı Nurali Askar (0:2) bağlayıb.

Hüseyn İsgəndərov (65 kq) ilk mərhələdə niderlandlı Mate Van Osu çətinliklə üstələyib – 5:4. Lakin 1/8 finalda ermənistanlı Janes Nazaryan keçilməz olub – 1:9.

Nicat Yeylaqaliyev (80 kq) yunanıstanlı Stefanos Konstantinosla (8:0) qazaxıstanlı Mardanbek Maxkambayevi (13:5) vaxtından əvvəl mübarizədən kənarlaşdırıb. Nicat 1/4 finalda gürcüstanlı Luka Martiaşviliyə “tuş”la məğlub olub.

Rihad İbrahimli (110 kq) isə təsnifat mərhələsində özbəkistanlı Sayidəmir Nemətova uduzub – 0:10.

Rəqibləri finala yüksəldiyi üçün Qurban, Nihat, Hüseyn və Nicat sabah təsəlliverici görüşə çıxacaqlar.

• Alvarez müəyyən şərtlərlə "Atletiko"dan ayrıla bilər
• Boksçularımız “Drakula Open”də mübarizə aparacaq
• Türkiyə - Gürcüstan matçının gəlirləri Fələstinə bağışlanacaq
• Tahir Gözel: “Komandanın güclənməsi üçün bütün vasitələrdən istifadə edirik”
• Mert Hakan Yandaşdan mərc etirafı: "Bunu kimin hesabı ilə etdiyimizi xatırlamıram"