Gənclər və İdman Nazirliyi ilə Azərbaycan Kanoe və Avarçəkmə Federasiyasının birgə təşəbbüsü əsasında Dövlət qurumlarının əməkdaşları arasında avarçəkmə yarışı keçiriləcək.

Apasport.az xəbər verir ki, Bakı şəhəri, Dənizkənarı Bulvar, Əhəd Yaqubov küçəsində baş tutacaq tədbir iki gün – 10 və 11 iyun tarixlərini əhatə edəcək.

İyunun 10-da saat 10:00-dan 15:00-a qədər Dövlət qurumlarının əməkdaşları avarçəkmə məşqləri keçəcəklər.

İyunun 11-də saat 11:00-dan 15:00-a qədər isə yarışlar keçiriləcək. Yarış iştirakçıları 1 və 2 nəfərlik kayak qayıqlarında şəxsi və komanda birinciliyi şəklində olmaqla 200 metr məsafəyə mübarizə aparacaqlar.

Qeyd edək ki, bu cür tədbirlərin keçirilməsi ölkəmizdə avarçəkmə idman növünü təbliğ etmək, kütləviliyin təmini və populyarlığı artırmaqdır.

• Gimnastlarımız İspaniyada keçirilən beynəlxalq turnirdə çıxış ediblər
• Rafael Fiziyevin rəqibi: "Azarkeşlərə üç raunddan ibarət şou göstərmək istəyirəm"
• Noyerin sevinci kədərə çevrildi - Klubu açıqladı
• “Barselona”nın növbəti mövsüm üçün səfər forması məlum oldu - FOTO
• "Qarabağ"ın futbolçusu 5 oyunluq cəza alıb