Qadın voleybolçulardan ibarət Azərbaycan millisi Avropa Qızıl Liqasına hazırlığı ölkə xaricində davam etdirəcək.

Apasport.az xəbər verir ki, bu gün komandamız bu məqsədlə Sloveniyaya yola düşüb. 

Yığmamız burada mayın 9-dan 17-ə kimi təlim-məşq toplanışında olacaq. Daha sonra isə voleybolçularımız Yunanıstana yollanacaqlar. Bu ölkədəki təlim-məşq toplanışı isə mayın 24-dək davam edəcək. Hazırlıq proseslərində millimizin yoxlama oyunları keçirməsi də nəzərdə tutulur. Komandamızın son heyəti təlim-məşq toplanışlarından sonra bəlli olacaq.

Qeyd edək ki, yığmamız ilk oyunlarını Bakıda keçirəcək. Mayın 30-da və iyunun 1-də baş tutacaq bu görüşlərdə rəqiblərimiz Macarıstan və Sloveniya komandaları olacaq.

• Daha bir boksçumuz “Adriatik incisi”ndə yarımfinala vəsiqə qazanıb
• "Qalatasaray" Muslera ilə protokol imzaladı: Əfsanəvi qapıçı göz yaşlarını saxlaya bilmədi - VİDEO
• "Qarabağ" yarımfinalda - YENİLƏNİB
• "Fiorentina" Konfrans Liqası matçını neytral meydanda keçirəcək
• “Sabah” Azərbaycan çempionatlarında 250-ci qolu buraxıb