Ötən mövsüm Sofiyanın “Lokomotiv” klubu ilə Bolqarıstan çempionatının bürünc mükafatını qazanan yarımmüdafiəçi hələ 5 ay əvvəl “Neftçi”nin maraq dairəsinə düşmüşdü. Lakin bakılılar qışda keçidi baş tutmayan 30 yaşlı yarımmüdafiəçini yalnız indi sıralarına qatmağa nail olub. Bunda da “Lokomotiv” rəhbərliyinin oyun qurucusunu transferə çıxarmasının rolu olub. Buna baxmayaraq, bakılılar yeni oyunçunun keçidi üçün Bolqarıstan təmsilçisinə açıqlanmayan məbləğdə para ödəyəcək. 13 gün əvvəl 30 yaşını qeyd edən M.Dafçev karyerasına Plovdivin “Maritsa” klubunda başlayıb. On il əvvəl “Lokomotiv”lə müqavilə bağlayan futbolçu 2002-2004-cü illərdə yerli MOİK və “Botev”, həmçinin Yunanıstanın “Pandramaykos” klublarında çıxış edib.
Qeyd edək ki, “Lokomotiv”də hücumçu kimi çıxış edən M.Dafçev Svetoslav Stefanovdan sonra “Neftçi”nin ikinci bolqarıstanlı oyunçusudur.

• "Qalatasaray"da ciddi itki
• “Sevilya”da yeni transfer
• "Arsenal"ın futbolçusu Braziliya klubuna keçə bilər
• Premyer Liqa klubu baş məşqçisi ilə vidalaşıb
• Super Kubokun finalında "Barselona" "Real"la qarşılaşacaq