Bakı. Mehman Süleymanov - APA-Sport. Azərbaycan Premyer Liqasında cari mövsümü 3-cü yerdə başa vurmaqla İntertoto kubokuna vəsiqə qazanan “Neftçi” bu yarışa ölkə daxilində hazırlaşacaq. Klubun vitse-prezidenti Ramin Musayev “APA-Sport” agentliyinə açıqlamasında xaricə yollamamaqlarını vaxt azlığı ilə əlaqələndirib: “İntertotoda ilk mərhələnin oyunlarına bir aydan da az vaxt qalıb. Üstəlik, ilk matçımızı Bakıda keçirəcəyik. Bütün bunları nəzərə alaraq, xaricdə hazırlıq keçməyi planlarımıza daxil etməmişik. İyunun 3-də Bakıda bir araya gəlib, hazırlığa başlayacağıq”. İntertotoya Slovakiya təmsilçisi ilə qarşılaşacaq “Neftçi”nin konkret rəqibi bu ayın sonunda bəlli olacaq. UEFA-nın Bakıda təyin etdiyi ilk matçın iyunun 20-də, yaxud 21-də keçiriləcəyi klublar arasında qarşılıqlı razılaşdırılacaq.

• "Qalatasaray"da ciddi itki
• “Sevilya”da yeni transfer
• "Arsenal"ın futbolçusu Braziliya klubuna keçə bilər
• Premyer Liqa klubu baş məşqçisi ilə vidalaşıb
• Super Kubokun finalında "Barselona" "Real"la qarşılaşacaq