La Valletta. Mehman Süleymanov - APA-Sport. Azərbaycan milli komandasının baş məşqçisi Berti Foqts Andorra yığması ilə bu gün keçirəcəkləri yoldaşlıq görüşünə start heyətin açıqlayıb. “APA-Sport” agentliyinin məlumatına görə, almaniyalı mütəxəssis debüt matçında məğlub olduğu (0:1) Bosniya və Herseqovina ilə yoldaşlıq görüşü ilə müqayisədə start heyətində 5 dəyişiklik edib. Qapıda Rauf Mehdiyevi Fərhad Vəliyevlə əvəzləyən B.Foqts kapitan Rəşad Sadıqov, Usim Nduka və Mahir Şükürova yenə şans verib. Müdafiə xəttində əsas dəyişiklik Elvin Əliyevin (“Olimpik”) “Neftçi”nin müdafiəçisi Rail Məlikovla əvəzlənməsidir. Baş məşqçi orta sahədə və hücumda da dəyişiklik edib. Belə ki, Elmar Baxşıyevlə (“Xəzər-Lənkəran”) Aleksandr Çertoqanova bu dəfə start heyətdə yer verməyən B.Foqts Mahmud Qurbanov (“İnter”) və Zeynal Zeynalova (“Karvan”) üstünlük verib. Samir Abbasovla (“İnter”) Fabio Luis Ramimi (“Olimpik”) yenə əsas heyətdə yer alıb. Z.Zeynalov bosniyalılarla görüşdə sonradan meydana çıxmışdı. “Xəzər-Lənkəran”ın hücumçusu Zaur Ramazanova da bu dəfə əsas heyətdə yer alıb. Onun hücumdakı tərəfdaşı “Neftçi”nin şərəfini qoruyan serbiyalı Branimir Subaşiç olacaq.
Qeyd edək ki, Bakı vaxtilə 23:00-da başlayan matç Lider TV ilə canlı yayımlanacaq.

• Kvaratsxeliya üçün Kyeza və Nunyez
• "Mançester Siti" Braziliyadan futbolçu transfer edir
• Türkiyəli futbolçu "Aston Villa"da
• Premyer Liqada ayın məşqçisi bəlli olub
• İsak ən yaxşı adına layiq görülüb