Bakı. Mehman Süleymanov - APA-Sport. “Neftçi” klubunun məşqçilər korpusunda dəyişiklik olacaq. “APA-Sport” agentliyinin məlumatına görə, komandanın baş məşqçisi Anatoli Demyanenkonun yeni köməkçilərindən biri həmyerlisi olacaq. Ukraynalı mütəxəssisin sabah Bakıya adını açıqlamadığı həmyerlisi ilə gəlməsi mümkündür. “Neftçi”də A.Demyanenko ilə işləyəcək mütəxəssisin Vladimir Bessonov olması gözlənilir. Uzun müddət SSRİ yığması və Kiyev “Dinamo”sunda birlikdə çıxış edən ukraynalılar bir müddət əvvəl də görüşmüşdü. V.Bessonovun 50 illik yubileyinə qatılan A.Demyanenkonun “Xarkov”un istefaya göndərilən sabiq baş məşqçisini Bakıya dəvət etməsi inandırıcı görünür. “Neftçi”nin ötən mövsüm əcnəbi çalışdırıcılarından A.Demyanenko ilə yanaşı, çexiyalı Vlastimil Petrjelanın da köməkçiləri yerli məşqçilər olub. Bunlar Elbrus Məmmədov, İqor Getman və qapıçılarla çalışan Nizami Sadıqovdur.

• Kvaratsxeliya üçün Kyeza və Nunyez
• "Mançester Siti" Braziliyadan futbolçu transfer edir
• Türkiyəli futbolçu "Aston Villa"da
• Premyer Liqada ayın məşqçisi bəlli olub
• İsak ən yaxşı adına layiq görülüb