“APA-Sport” agentliyinin məlumatına görə, yığmamız almaniyalı mütəxəssisin rəhbərliyi altında səfərdə keçirdiyi yoldaşlıq görüşündə Andorranı 2:1 hesabı ilə üstələyib. La Vellada baş tutan matçda komandamızın hər iki qolunu fasiləyədək milliləşən legionerlər vurub. Bakının “Olimpik” klubundan heyətə çağırılan 26 yaşlı braziliyalı Luiş Fabio Ramimə qol hesabını açmaq üçün iki oyun kifayət edib. 17-ci dəqiqədə cərimə zərbəsini dəqiq yerinə yetirməklə fərqlənən Ramimin ikinci qolda da rolu olub. Məhz onun yerinə yetirdiyi künc zərbəsindən sonra Branimir Subaşiç hesabdakı üstünlüyü iki topa çatdırıb. Andorralılar da matçda yeganə qolunu standard vəziyyətdən sonra vurublar. 50-ci dəqiqədə Toni Lima cərimə zərbəsindən sonra topu başla Fərhad Vəliyevin qoruduğu qapıdan keçirib.
Seçmə komandamız 2010-cu il dünya çempionatına hazırlıq çərçivəsində sonuncu yoxlama görüşünü avqustun 20-də səfərdə İslandiyaya qarşı keçirəcək.

• Kvaratsxeliya üçün Kyeza və Nunyez
• "Mançester Siti" Braziliyadan futbolçu transfer edir
• Türkiyəli futbolçu "Aston Villa"da
• Premyer Liqada ayın məşqçisi bəlli olub
• İsak ən yaxşı adına layiq görülüb