Bakı. Vüqar Xeyrullayev - APA-Sport. Yevlaxın “Karvan” klubunun sabiq futbolçusu, gürcüstanlı Aleksandr İntskirveli karyerasını vətənində davam etdirəcək. “APA-Sport” agentliyinin məlumatına görə, 28 yaşlı müdafiəçi Gürcüstanın ən titullu klubu “Dinamo”nun (Tiflis) heyətinə cəlb edilib. Yeni komandası ilə birgə Almaniyaya təlim-məşq toplanışına yollanan A.İntskirveli “Karvan”ın heyətində 3 il oynayıb. O, 2007/08 mövsümündə Yevlax təmsilçisində hamıdan çox - 24 matç keçirib. “Karvan” rəhbərliyi klubla razılaşmasının müddəti mayda başa çatan A.İntskirveli ilə yeni müqavilə bağlamayaraq, onunla yollarını ayırıb.

• “Real” azarkeşləri Mbappeni fitə basdı
• "Milan" rəhbərliyi portuqallarla vidalaşır: Konseysao yolun sonunda
• "Fənərbaxça" tribunalarında xaos: Azarkeşin vəziyyəti pisləşdi - VİDEO
• Sabiq vitse-prezident: "Ali Koç dərhal istefa verməlidir"
• Diaz "Liverpul"dan ayrılır? - "Barselona", yoxsa Səudiyyə Ərəbistanı?