Bakı. Elşən Məmmədov – APA-Sport. AFFA rəhbərliyi Azərbaycanı UEFA kubokunda təmsil edəcək “Xəzər-Lənkəran” klubu ilə bağlı UEFA-ya müraciət ünvanlayıb. “APA-Sport” agentliyinin məlumatına görə, müraciətdə “Xəzər-Lənkəran”a UEFA kuboku çərçivəsindəki oyunlarını Lənkəran şəhər stadionunda keçirməyə icazə verilməsi xahiş edilib.
Qeyd edək ki, UEFA kubokunun ilkin təsnifat mərhələsində “Xəzər-Lənkəran” Polşanın “Lex” klubu ilə qarşılaşacaq. Komandamız rəqibini iyulun 17-də qəbul edəcək. Hazırda “Xəzər-Lənkəran”ın Avropa kuboklarında ev oyununu öz arenasında keçirməsinə maneə kimi Lənkəranda lazımi infrastrukturun olmaması göstərilir. Belə ki, hava limanının hələ istifadəyə verilmədiyi şəhərdə yüksək standartlara uyğun otel də yoxdur.

• “Real” azarkeşləri Mbappeni fitə basdı
• "Milan" rəhbərliyi portuqallarla vidalaşır: Konseysao yolun sonunda
• "Fənərbaxça" tribunalarında xaos: Azarkeşin vəziyyəti pisləşdi - VİDEO
• Sabiq vitse-prezident: "Ali Koç dərhal istefa verməlidir"
• Diaz "Liverpul"dan ayrılır? - "Barselona", yoxsa Səudiyyə Ərəbistanı?