Bakı. Mehman Süleymanov - APA-Sport. Azərbaycan milli komandasının müdafiəçisi Saşa Yunisoğlunun çıxış etdiyi Polşanın “Qrotslin” klubu Avstriyada böyük hesabla uduzub. “APA-Sport” agentliyinin məlumatına görə, UEFA kubokundan kənarda qalan Polşa çempionatının bürünc mükafatçısı Avstriyadakı hazırlıq prosesində keçirdiyi yoxlama oyununda Kiyevin “Dinamo” klubuna 1:4 hesabı ilə yenilib. 23 yaşlı S.Yunisoğlu ikinci hissə başlayan kimi komanda yoldaşının əvəzinə meydana çıxıb. Fasiləyə hesabda 0:1 geridə yollanan polşalılar 55-ci dəqiqədə tarazlığı bərpa etsə də, sonradan üç qol buraxmaqla, meydanı məğlub tərk edib.
Qeyd edək ki, “Qrotslin”in vurduğu qolun müəllifi Avro-2008-ə yollanan yeganə futbolçusu, hücumçu Radoslav Mayevski olub.

• “Real” “Tottenhem”in müdafiəçisi ilə maraqlanır
• Yaponiya millisinin üzvü “Barselona”nın radarında
• Niderlandlı futbolçu Premyer Liqada klubunu dəyişə bilər
• Libertadores kubokunda finalçılar bəlli olub
• Hansı oyun, hansı kanalda?