Bakı. Aqşin Əliyev - APA-Sport. İngiltərənin çimərlik futbolu üzrə milli komandası Bakıya təşrif buyuracaq. “APA-Sport”un AFFA-nın rəsmi İnternet saytına istinadən məlumatına görə, britaniyalılar sentyabrın 18-dən 21-dək paytaxtımızda keçiriləcək Avropa kuboku uğrunda yarışda mübarizə aparacaqlar. Hərçənd, “Dumanlı Albion” təmsilçilərinin Bakıya səfəri qabaqcadan planlaşdırılmamışdı. Amma Avropa Kubokunun iştirakçılarından biri Polşanın imtinasından sonra futbolun yaradıcıları Xəzər dənizinin sahilində top qovmaq şansı yaxalayıblar. Qarşıdakı yarışda meydan sahibləri və İngiltərədən başqa, İtaliya, İspaniya, Norveç, eləcə də İsveç qüvvəsini sınayacaq. Turnirdə ədalət prinsiplərini 2 azərbaycanlı, 1 ukraynalı, 1 latviyalı, 1 rusiyalı, 1 litvalı və 1 fransalı hakim qoruyacaq.

• Mourinyonun şərabı satışa çıxarıldı
• İtaliya təmsilçisi Meksika millisinin üzvünü istəyir
• Ancelotti “Real”dan ayılacaq
• “Çelsi” fransalı müdafiəçini transfer edir
• “Real”ın üzvü zədədən qayıdıb