2009/10 mövsümündən etibarən Azərbaycan birinci divizionunda mübarizə aparacaq “Gəncə” klubunun prezidentinin adı açıqlanıb. Apasport.az saytının məlumatına görə, kluba Gəncə Avtomobil Zavodunun əməkdaşı Elmir Əliyev başçılıq edəcək.

Artıq Əliyev “Gəncə”nin prezidenti qismində ictimaiyyətə təqdim olunub. Tezliklə komandanın heyətinin formalaşdırılması prosesinə başlanılacaq. “Gəncə”ni klubun sabiq baş məşqçisi, Azərbaycanın üçqat çempionu və dörd dəfə ölkə kubokunun qalibi Mehman Allahverdiyevin çalışdıracağı ehtimal olunur.

Qeyd edək ki, “Gəncə” maliyyə problemləri ucbatından 2006-cı ilin yayında fəaliyyətini dayandırmışdı.

• Lidholmun ideal "11-liyi" - Barezi, Barezi, Barezi...
• "Real Madrid" Mastantuono ilə bağlı qərar verdi - Argentinalı göndəriləcək
• 64 komandalı dünya çempionatı: FİFA işlərə start verdi
• "Arsenal"dan 90 milyon avroluq transfer - "Nyukasl"ın ulduzu yoldadır
• İnfantinonun müşaviri istefa verdi - Dünya çempionatının satılmasına etiraz etdi