“Kamerunlu futbolçumuz Armand Feutçenin komandada qalması hələ dəqiqləşməyib. Ancaq deyəsən, o, buna razıdır. Armand vətənindən hələ gəlməyib”. Bu fikirləri apasport.az saytına açıqlamasında “Gəncə” klubunun prezidenti Elmir Əliyev deyib.

Qış fasiləsində heyətində ciddi islahatlara başlayan gəncəlilər ukraynalı Vladimir Kozlenko, gürcü Georgi Seturidze və Levan Mdvinişvili, kamerunlu Patris Nikeudu, yerlilərdən isə Rafael Əmirbəyov və Rəhman Əzizovla yollarını ayırdı. Ancaq “altılığ”a düşməməyi rəsmiləşən komanda müqaviləsi başa çatmış kamerunlu Armand Feutçineni heyətində saxlamaq niyyətindədir. Əliyev bununla bağlı artıq futbolçu ilə söhbət edildiyini bildirib: “Armandın komandamızda qalmaq fikri var. Yeni transferlər bağlı işlər görülür. Bir neçə yerli futbolçu ilə danışıqlarımız olub. Onları Gəncəyə dəvət etmişik. Yaxın günlərdə gələcəklər. Bundan sonra rəsmi açıqlama verə bilərik”.

Qeyd edək ki, komanda yanvarın 10-da bir araya gələrək, məşqlərini Gəncədə keçirəcək

• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər
• “Çorum”dan səs-küylü transfer – Moukoko Türkiyəyə gəlir