İspaniyanın “Barselona” klubu öz tarixinin rekordunu təkrarlayıb. Apasport.az saytının məlumatına görə, Kataloniya təmsilçisi ölkə kubokunun “Betis”lə qarşılaşmasında 5:0 hesabı ilə qalib gəlməklə məğlubiyyətsiz oyunlar seriyasını 27-yə çatdırıb.

Bununla da Xosep Qvardiolanın yetirmələri “Barselona” tarixinin rekordunu təkrarlamağa müvəffəq olublar. Belə ki, kataloniyalılar yalnız 1 dəfə - 1973/74 mövsümündə belə uğurlu seriyaya imza atmışdı. Həmin vaxt komandaya əfsanəvi Rinus Mixels rəhbərlik edirdi.

Qvardiolanın rəhbərliyi altında isə ən uzun məğlubiyyətsizlik 20 oyunu əhatə edib. Bundan başqa daha bir – 16 matçlıq seriya gənc mütəxəssisin hesabındadır.

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər