“Neftçi” və “Qarabağ” klublarının üzvləri Türkiyədə qarşılaşdılar. Apasport.az saytının Antalyaya ezam olunmuş əməkdaşının məlumatına görə, bütün milli çempionatlarımızda iştirak edən komandaların futbolçuları təlim-məşq toplanışı keçdikləri şəhərin “Deepo” ticarət mərkəzində görüşdülər. Dünən hər iki komanda bir məşq etdi və futbolçular səhər çalışmasından sonra dincəlmək, şəhəri gəzmək, alış-veriş etmək imkanı qazandılar. Onlar adıçəkilən məkanda xoş təsadüf nəticəsində üzləşdilər.
Gəzdiyimiz ticarət mərkəzində “Qarabağ”ın futbolçularından Fərhad Vəliyev, Zaur Həşimov, Maksim Medvedev, Rəşad Sadiqov, Ayxan Abbasovla rastlaşdıq. Onlar “Neftçi”dəki həmkarları ilə ayaqüstü də olsa söhbətləşmək fürsəti qazandılar. Axşamüstü, alış-veriş bitəndən sonra isə komandalar qaldıqları otellərə - “Neftçi” “Titanik”ə, “Qarabağ” “İC Santai”yə qayıtdı.

Mehman SÜLEYMANOV

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər