Bakının AZAL komandası paytaxtda keçirilən təlim-məşq toplanışını qələbə ilə başa vurub. Apasport.az saytının məlumatına görə, Nazim Süleymanovun yetirmələri “Şəfa” stadionunda baş tutan yoxlama oyununda Zaqatalanın “Simurq” klubunu məğlub ediblər.

Belə ki, matçda hesabı Nuqzar Kvirtiya açsa da, zaqatalalılar az sonra bunun əvəzini çıxıblar. Lakin ikinci hissədə üstünlüyü tamamilə ələ alan AZAL rəqibini növbəti dəfə cəzalandırıb. Bu dəfə isə Gvidas Yuşka fərqlənib - 2:1.

Beləliklə, hazırlığın birinci mərhələsini yekunlaşdıran AZAL 2 günlük aradan sonra məşqləri Antalyada bərpa edəcək.

Qeyd edək ki, Nazim Süleymanovun yetirmələri “Simurq”dan öncə öz əvəzediciləri ilə də qarşılaşmışdı və Yuşkanın dublu sayəsində 2:0 hesabı ilə qələbə qazanmışdı.

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər