“Qəbələ” hazırlıq məqsədilə sabah Antalyaya yola düşəcək. Apasport.az saytının xəbərinə görə, komandanın əcnəbi futbolçuları kollektivə birbaşa Antalyada qoşulacaqlar.

Məşqlərə isə ayın 19-u start veriləcək. İlk yoldaşlıq matçının yanvarın 22-də keçirilməsi planlaşdırılır. Sözügedən qarşılaşmada “Qəbələ” ya Moskva “Lokomotiv”i ya da Varşava “Polonya”sı ilə üz-üzə gələcək. İkinci yoldaşlıq görüşündə əyalət təmsilçisi ayın 27-də “Şturm”la (Avstriya) münasibətlərini aydınlaşdıracaq.

Təlim məşq toplanışına yeni futbolçular da dəvət olunacaq. Futbolçuların adları açıqlanmasa da, onların Afrikadan olacağı gözlənilir. Hazırlıq prosesi ayın 28-ə kimi davam edəcək.

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər