17 yaşadək futbolçulardan ibarət Azərbaycan milli komandası Türkiyənin Antalya şəhərindəki təlim-məşq toplanışında ilk yoxlama oyununu keçirib. Apasport.az saytının Rusiya mətbuatına istinadən məlumatına görə, Təbriz Həsənovun yetirmələri bu ölkənin “Spartak” (Moskva) klubunun əvəzedici heyəti ilə qarşılaşıb. Bələkdəki “Arkadiya” otelinin meydanında baş tutan qarşılaşmanın taleyini 1 qol həll edib. “Spartak”ın belaruslu legioneri Xlebosolovun 14-cü dəqiqədə penaltidən vurduğu qol moskvalılara qələbə qazandırıb – 1:0.

Qeyd edək ki, oyunu Rusiya təmsilçisinin əsas komandasının baş məşqçisi Valeri Karpin də izləyib.

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər