Rumıniyanın “Universtatya” (Krayova) klubunun futbolçusu Draqoş Fırtılesku komandasının məşqi zamanı hamını təəccübləndirib. Apasport.az saytının məlumatına görə, 22 yaşlı yarımmüdafiəçi meydanın ortasında əyləşərək uşaq kimi göz yaşları axıtmağa başlayıb. Buna onun aldığı xəbər səbəb olub.

Belə ki, Draqoş komanda yoldaşı Mihay Dinanın “Xəzər Lənkəran”a transfer olunacağını eşidərək bununla barışa bilməyib. “Universtatya”nın yetirməsi olan Fırtılesku əsas komandaya düşdüyü gündən dostlaşdığı və neçə illərdir birgə oynadığı hücumameylli yarımmüdafiəçi ilə ayrımaq istəmir.

Qeyd edək ki, Rumıniya mətbuatı Dinanın 700 min avro qarşılığında Lənkəran təmsilçisinə keçəcəyini iddia edir.

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər