Azərbaycanlı Ramiz Məmmədovun baş məşqçisi olduğu Qazaxıstanın “Atırau” klubu Türkiyədəki 2-ci təlim-məşq toplanışına yeni futbolçular dəvət edib. Apasport.az saytının məlumatına görə, Məmmədov işlədiyi ölkənin digər təmsilçisi olan “Ordabası”nın gənc oyunçuları – Mardan Tolebeklə Yevgeni Lyovini sərəncamında görmək istəyir. Ancaq onlar klubları ilə müqavilələri olduğundan, “Atırau”ya buraxılmırlar.

Tolebek Məmmədovun komandasında oynamaq istədiklərini bildirib: “Atırau” Türkiyəyə 2-ci toplanışa yollansa da, nə mən, nə də Lyovin ora getdi. Ona görə yox ki, komandaya yaramadıq. Sadəcə, bizə görə yüksək kompensasiya istəyirlər. “Ordabası” ilə qüvvədə olan müqaviləmiz var. Bizə dedilər ki, Qazaxıstanın 1-ci liqasında çıxış edən bu komandada oynayacağıq. Şərtlərin yaxşı, vəzifələrin yüksək olacağı ilə bağlı fikirlər səsləndi. Ancaq istənilən halda, Premyer Liqada oynamaq istəyirsən. Məndən başqa, bu komandada Bakdaulet Kojabayevlə Samat Otarbayev olacaq”.

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər