Qış hazırlıq dövründə Antalyada təlim-məşq toplanışı keçirən “Abşeron” klubu Türkiyədə ilk yoxlama oyunlarını keçirib. Apasport.az saytının məlumatına görə, Azərbaycan çempionatının I divizionunun vahid lideri bir gündə keçirdiyi hər 2 qarşılaşmada qalib gəlib.

Mirbağır İsayevin yetirmələrinin ilk qarşılaşmadakı rəqibi Almaniyanın Regional liqasında çıxış edən “Wupertall” komandası olub. Görüş abşeronluların 4:2 hesabı ilə qələbəsi ilə nəticələnib. Həmin gün daha bir qarşılaşma Qazaxıstanın Super liqasında qərar tutan “Akjayık” komandası ilə baş tutub. Gərgin keçən oyun təmsilçimizin qələbəsi ilə başa çatıb – 1:0.

Qeyd edək ki, I Divizionda 35 xalla liderlik edən və I dövrədə keçirdiyi 13 oyunu 11 qələbə, 2 heç-heçə ilə tamamlayan “Abşeron” komandası təlim-məşq toplanışı keçirmək üçün tam heyətlə Antaliya şəhərinə yanvarın 23-də yola düşüb.

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər