Bakının “İnter” klubu heyətində “Birlik kuboku” turnirin qalibi olan rusiyalı futbolçu Sergey Yeqorovu bir daha sınayacaq. Klubun prezidenti Georgi Nikolov apasport.az saytına açıqlamasında 28 yaşlı cinah yarımmüdafiəçisi ilə bağlı son qərarın verilmədiyini bildirib: “Onu Türkiyənin Antalya şəhərindəki 2-ci təlim-məşq toplanışına cəlb edəcəyik. Baş məşqçimiz Sxadadze Yeqorova bir daha baxacaq. Həmin vaxt onun taleyinə aydınlıq gələcək. Şəxsən mən Sergeyi bəyəndim. Onun ilk növbədə futbol biliyi xoşuma gəldi. Ancaq istənilən halda, son qərarı baş məşqçimiz verəcək”.

“Birlik kuboku”da sonradan da olsa mütəmadi meydana çıxan Yeqorov debütdə Qırğızıstanın “Neftçi” klubuna böyük hesabla qalib gəldikləri oyunda (3:0) qol vurdu. Karyerası vətənində aşağı divizionla bağlı olan Sergey “Arsenal” (Tula), “Spartak (Şelkovo), Lokomotiv (Çita), “Torpedo” (Vladimir), “Ural”, “Metallurq-Kuzbass”, “Baltika”, “Luç-Enerji”də oynayıb.

Qeyd edək ki, “İnter” sabah Türkiyənin Antalya şəhərində 2-ci hazırlıq mərhələsində bir araya gələcək.

Mehman SÜLEYMANOV

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər