Rusiya Futbol İttifaqı (RFİ) azərbaycanlı futbolçu Emin Mahmudovla bağlı qərar çıxarıb. Apasport.az saytının məlumatına görə, RFİ-nin Mübahisəli Məsələlər üzrə Palatası “Saturn”un peşəkar klub statusunu rəsmən itirməsi ilə əlaqədar müqaviləsi olan futbolçulardan Eminin də anlaşmasının qüvvədən düşdüyünü bəyan edib. Bununla da Mahmudov azad agent statusu alıb. 19 yaşlı yarımmüdafiəçinin karyerasını Moskva “Spartak”ında davam etdirməsində əngəl qalmayıb.

RFİ-nin çıxardığı başqa qərar isə Rusiya Premyer Liqasında oynayan digər futbolçumuz – Mahir Şükürovun oynadığı “Anji” klubu ilə bağlıdır. Belə ki, Mahaçqala təmsilçisinə Bryansk “Dinamo”suna keçən futbolçusu Andrey Streltsov qarşısında maliyyə öhdəliklərini yerinə yetirməyənə kimi yeni futbolçularını qeydiyyatdan keçirmək qadağan edilib.

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər