Antalyada təlim-məşq toplanışında olan Bakının “Neftçi” klubunun hücumçusu Emil Mpenza tibbi müayinədən keçmək üçün Belçikaya yollanıb. Apasport.az-ın “ağ-qaralar”ın rəsmi saytına istinadən məlumatına görə, belçikalı legioner flaqmanın baş məşqçisindən icazə alıb və klub rəhbərliyinin də razılığı ilə səfərə çıxıb.

Təcrübəli hücumçu öz istəyi ilə Belçikada şəxsi həkimi tərəfindən müayinə olunacaq. Tibbi müayinədən sonra Mpenza komandanın Antalyadakı düşərgəsinə qayıdacaq.

Qeyd edək ki, Emil diz nahiyəsindəki ağrılardan əziyyət çəkir. Futbolçu “Neftçi”nin Antalyada keçirdiyi ikinci təlim-məşq toplanışı çərçivəsində tibbi müayinədən keçib.

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər