Antalyada təlim-məşq toplantısını yekunlaşdırmaqda olan "Bakı" klubunun sayca beşinci yoldaşlıq oyunundakı rəqibi dəqiqləşib. Apasport.az saytının məlumatına görə, paytaxt təmsilçisi fevralın 3-də baş tutacaq qarşılaşmada Almaniya Oberliqa təmsilçisi "Ştutqart Kikkers"lə görüşəcək.

Oyun "Su səsi" otelinin meydanında Bakı vaxtı ilə saat 14.00-da başlanacaq. Bu, Aleksandr Starovun yetirmələrinin Türkiyədə son sınağı olacaq.

Qeyd edək ki, “Bakı” Antalyada 4 yoxlama oyunu keçirib. Qazaxıstanın "Akjayık" (3:0), "Şaxtyor" Karaqanda (1:1), Ukraynanın "Metallurq" Zaporojye (0:0) və Rumıniyanın "Panduri" (1:0) klubları ilə qarşılaşan "Bakı" 2 oyunda qalib gəlib, iki oyunu isə heç-heçə başa vurub.

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər