21 yaşadək futbolçular arasında Avro-2013-ün bu gün keçirilən püşkatmasında Azərbaycan yığmasının bəxti gətirməyib. Apasport.az saytının məlumatına görə, Avro-2011-in final mərhələsində oynayacaq 8 komandadan ikisi növbəti seçmə mərhələdə Bernard Lippertin yetirmələrini sınağa çəkəcək.

Bunlar İslandiya və İngiltərə yığmalarıdır. Onlar iyunun 11-də Danimarkada start götürəcək Avro-2011-də fərqli qruplarda yarışacaq. İslandiyalılar A, ingilislər B qrupunda çıxış edəcəklər.

Millimizlə ev-səfər prinsipi ilə 2 dəfə görüşəcək digər komandaları da zəif saymaq olmaz. Belçika yığması son seçmə mərhələdə qrup 2-ci olub. Yalnız az xal toplamaları belçikalıların pley-offa yolunu bağlayıb. Norveçlilər isə son seçmə mərhələni 5 komanda arasında 4-cü pillədə bitiriblər.

Qeyd edək ki, İslandiya və İngiltərə seçmə qrup mərhələsində 2-ci olmaqla pley-offa, ordan isə final mərhələsinə yüksəlib.

• Super Liqada mövsümün ilk məşqçi ayrılığı – Mirel Redoyla yollar ayrıldı
• “Əl-Hilal”dan böyük transfer – Olli Uotkinslə 3 illik müqavilə
• “Liverpul” gələcəyin qapıçısını tapdı – 18 yaşlı futbolçuya 35 milyon avro
• Neymar “Santos”u qadağadan xilas etdi – 2 milyon avro borc ödədi
• Maktomineydən pis xəbər – Əməliyyat oluna bilər