“Zaqreblilər “Neftçi”dən daha üstün göründü”. Bunu apasport.az saytına açıqlamasında Azərbaycan yığmasının baş məşqçisi Berti Foqts deyib.

Almaniyalı çalışdırıcı Çempionlar Liqasının II təsnifat mərhələsində Zaqrebdə yerli “Dinamo” və “Neftçi” arasındakı oyunu canlı izləyib. Həmin görüşdən sonra Təl-Əvivə “Makkabi” – “Xəzər Lənkəran” matçını izləməyə gələn Foqts bildirib ki, “Neftçi” Zaqrebdəki matça hazır deyildi: “Həmin matçı analiz edərkən, düşünürəm ki “Neftçi” fiziki cəhətdən çatdırmadı. Bəli, “Dinamo” daha yaxşı komandadır, amma “Neftçi”ni də oyuna hazır görmədim. Millidə çıxış edən futbolçulara gəlincə, Ruslan Abışovun oyununu bəyəndim. O, heyətdə ən yaxşı idi. Rail Məlikov isə hazır deyildi. Ondan belə oyun gözləmirdim”.

• “Bordo” həvəskar liqaya düşürüldü – Klub qərardan şikayət edəcək
• İstanbul derbisinin hakimi bəlli oldu – “Fənərbaxça” – “Beşiktaş” matçı Melerə tapşırıldı
• Markos Lyorente İspaniya millisində karyerasını başa vurdu
• “Fənərbaxça” Talişka ilə yollarını ayırdı - Rəsmi
• Millimizin üzvü oynadı, komandası qalib gəldi