“Xəzər Lənkəran”ın sabiq futbolçusu Bruno Simao özünə yeni komanda tapıb. Apasport.az saytının məlumatına görə, ötən qış ölkəmizə gələn 27 yaşlı portuqaliyalı sol cinah müdafiəçisi bu dəfə Moldovada legioner heyəti yaşayacaq. Bruno yüksək liqa klubu “Milsami-Ursidos” keçərək, bu ölkədə çıxış edən 3 portuqaliyalı futbolçudan biri olacaq.

O, 8 illik karyerası ərzində 8 komanda dəyişib. Bunlardan ən tanınmışı “Benfika” ilə Buxarest “Dinamo”su olub. Simao ötən mövsüm bitəndən sonra Lənkəran klubundan vətəninə qayıdaraq, aşağı divizion təmsilçisi “Portimonense”nin şərəfini qoruyub.

Qeyd edək ki, Bruno “Xəzər Lənkəran”da keçirdiyi 6 ayda 8 oyunda meydana çıxıb. Bunlardan 6-sı Premyer Liqamızda (617 dəqiqə), 2-si ölkə kubokunda (100 dəqiqə) olub. Legioner çempionatımızın gümüş medalçısı və Azərbaycan kubokunu qazanıb.

• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı
• "Beşiktaş"dan ayrıldı, Bolqarıstanda çıxış edəcək
• Çempionlar Liqası matçları bu kanallarda - TV AFİŞA
• Arda Gülərə UEFA-dan mükafat – Mövsümün ən yaxşısı