FİFA milli komandaların avqust ayında keçiriləcək yoldaşlıq oyunlarının ləğv olunması haqda xəbərlərə rəsmi münasibət bildirib. Apasport.az saytının məlumatına görə, Avropa Klublar Assosiasiyasının rəhbəri Karl-Hayns Rummeniggenin bu məsələdə UEFA ilə razılıq əldə etməsi haqda açıqlaması dünya futbol qurumunu özündən çıxarıb. Bu üzdən bəyanat yayan FİFA bu xəbərin düzgün olmadığını bildirməklə almaniyalının başçılıq etdiyi qurumu qalmaqal, münaqişə yaradan açıqlamalar verməkdən çəkinməyə çağırıb. Bəyanatda qarşıdakı illərin beynəlxalq təqviminin martın 5-də konfederasiya nümayəndələrinin iştirakı ilə müzakirə olunacağı da bildirilir.

Qeyd edək ki, Azərbaycan milli komandası bu il avqustun 15-də Bəhreyn yığmasını qəbul edəcək.

• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı
• "Beşiktaş"dan ayrıldı, Bolqarıstanda çıxış edəcək
• Çempionlar Liqası matçları bu kanallarda - TV AFİŞA
• Arda Gülərə UEFA-dan mükafat – Mövsümün ən yaxşısı