Azərbaycan milli komandasının bu il ilk ev oyununda rəqibi olan Bəhreyn yığması qalmaqalın iştirakçısı olub. Apasport.az saytının məlumatına görə, FİFA bu yığmanın 2014-cü il dünya çempionatının seçmə mərhələsinin Asiya zonasında İndoneziya millisinə fevralın 29-da 10:0 hesabı ilə qalib gəldiyi oyunu araşdıracaq. Bu da matçın nəticəsinin şübhə doğurmağı ilə bağlıdır. Belə ki, Bəhreyn qrupda Qətər yığmasını qabaqlayıb, növbəti mərhələyə çıxmaq üçün 9 top fərqi ilə qalib gəlməli idi. Bundan əlavə, bəhreynlilərə Qətərin İran yığmasına uduzmağı lazım idi. Ancaq bu, onlara müyəssər olmayıb. Belə ki, qətərlilər sona 7 dəqiqə qalmış hesabı 2:2 edərək, növbəti mərhələyə çıxıb.

FİFA-nın bəyanatında deyilir ki, xüsusi komissiya matçın danışılmış xarakter olmağını araşdıracaq: “Belə qərar qeyri-adi nəticəyə görə qəbul olunub. Bu da komandanın gücü və əvvəlki oyunların statistikaları ilə əlaqədar nəzərə alınıb”.

Qeyd edək ki, Azərbaycan – Bəhreyn yoldaşlıq görüşü avqustun 15-də keçiriləcək.

• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı
• "Beşiktaş"dan ayrıldı, Bolqarıstanda çıxış edəcək