Joze Mourinyo “Çelsi”nin baş məşqçi postuna qayıda bilər. Apasport.az saytının məlumatına görə, İngiltərə mətbuatı portuqaliyalı mütəxəssisi Andre Villaş-Boaşın istefaya göndərilməsindən sonra London təmsilçisinin “sükanı arxası”nda yer almağa əsas namizəd sayır.

“Çelsi”nin tarixində ən uğurlu dövrü Mourinyonun vaxtında olub. Belə ki, komanda 2 dəfə Premyer Liqanın, Liqa və İngiltərə kubokunun qalibi olub. Mourinyo son 2 ildə çalışdırdığı Madrid “Real”ından cari mövsümdə İspaniya çempionu etməyə çox yaxın olsa da, yayda İngiltərəyə qayıtmaq istədiyini bildirib. Üstəlik, o, Londonda görünərək, özünə ev axtarıb.

Düzdür, “Çelsi”nin rusiyalı sahibi İspaniyada çalışan digər mütəxəssisləri – Mourinyonun əzəli rəqibi olan “Barselona”nın baş məşqçisi Xosep Qvardiola ilə “Atletik”in argentinalı çalışdırıcısı Marselo Byelsanın da namizədliyini nəzərdən keçirir.

Qeyd edək ki, ötən şənbə İngiltərə Premyer Liqasında “Vest Bromviçə”ə 0:1 hesablı məğlubiyyətdən sonra qovulan 34 yaşlı Villaş-Boaş komandaya 256 gün rəhbərlik edib.

• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı
• "Beşiktaş"dan ayrıldı, Bolqarıstanda çıxış edəcək