Azərbaycan milli komandasının 2014-cü il dünya çempionatının seçmə mərhələsində rəqibi olan Portuqaliya yığması növbəti yoldaşlıq görüşlərini müəyyənləşdirib. Apasport.az saytının məlumatına görə, Kriştianu Ronaldonun kapitanı olduğu yığmanın mayın 26-da Makedoniya, iyunun 2-də Türkiyə millisini qəbul edəcəyi rəsmən açıqlanıb. Bu, Avropa çempionatının (AÇ) final mərhələsi öncəsi son sınaq olacaq. Portuqaliya məhz Türkiyə ilə matçdan sonra – iyunun 4-də qrup oyunlarını keçirəcəyi Polşaya yollanacaq. Baş məşqçi Paulu Bentu AÇ-yə aparacağı 23 nəfərlik siyahını mayın 14-də açıqlayacaq. Onun komandası final mərhələsində Almaniya, Hollandiya və Danimarka yığmaları ilə bir qrupa düşüb.

Qeyd edək ki, millimiz Portuqaliya ilə növbəti seçmə mərhələdə ilk matçını sentyabrın 11-də keçirəcək.

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı