Rusiya futzal yığmasının dünya çempionatının pley-off mərhələsində Azərbaycan milli komandası ilə oyuna heyəti açıqlanıb. Apasport.az saytının məlumatına görə, rəqibin baş məşqçisi Sergey Skoroviç hazırlığa 17 oyunçunu dəvət edib. Heyətdə ən çox Moskva “Dinamo”sunun oyunçuları yer verib – 4 nəfər.

Bakıdakı oyuna hazırlığa bu gün başlayan rusların təlim-məşq toplanışı martın 25-dək davam edəcək. Həmin gün rəqib ölkəmizə səfər edərək, martın 27-də “Sərhədçi” Olimpiya Mərkəzində matça çıxacaq. Bu ilin payızında Tailandda keçiriləcək final mərhələsinə vəsiqə uğrunda cavab oyunu isə aprelin 9-da Tümendə olacaq.

Qapıçılar – Qustavo (“Sibiryak”), Leonid Klimovski (MOİK)
Sahə oyunçuları – Sergey Abramov, Dmitri Prudnikov (hər ikisi “Sinara”), Pula, Aleksandr Fukin, Vladislav Şayaxmetov, Anatoli Badretdinov (hamısı “Dinamo, Moskva), Nikolay Pereverzev, İldar Nuqumanov, İvan Milovanov (hamısı “Tümen”), Sergey Serqeyev, Konstantin Mayevski (hər ikisi MOİK), Danil Davıdov (“Qazprom-Yuqra”), Roman Anosov (“Norilski nikel”), Vladimir Çurlyayev, Nikolay Plaxov (hər ikisi “Sibiryak”)

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı