İngiltərənin səviyyəcə dördüncü çempionatının “Bredford” – “Krouli” matçından sonra hakim 5 futbolçuya paltardəyişmə otağında qırmızı vərəqə göstərib. Lent.az-ın məlumatına görə, sərt cəza meydan sahiblərinin 3, qonaqların 2 oyunçusuna tətbiq edilib.

Onlar matçdan sonra dalaşıblar. Hakim isə paltardəyişmə otağında olduqları vaxt futbolçuları “haqlayıb”. Oyunçulardan biri Endryu Devis mövsüm ərzində 3-cü dəfə qırmızı vərəqə alıb. Bu səbəbdən, Devis avtomatik olaraq, qarşıdakı 5 matçda “Bredford”a kömək edə bilməyəcək. Komandanın baş məşqçisi Fil Parkinson referinin paltardəyişmə otağında oyunçuları bir yerə topladıqdan sonra onlara qırmızı vərəqə göstərməsi halı ilə ilk dəfə rastlaşdığını bildirib.

Qeyd edək ki, baş hakim oyun zamanı meydan sahiblərinin 1, qonaqların 6 oyunçusuna sarı vərəqə göstərib.

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı