UEFA Londonun “Arsenal” klubunun baş məşqçisi Arsen Vengeri ağır cəzalandırıb. Apasport.az saytının məlumatına görə, fransalı mütəxəssis qitə futbol qurumunun bayrağı altında 3 oyunda “texniki zona”dan kənarda qalacaq. UEFA-nın Nizam-İntizam Komitəsi eyni zamanda Vengerə 40 min avro cərimə kəsib.

Bütün bunlar isə təcrübəli çalışdırıcının Çempionlar Liqasının 1/8 final mərhələsində “Milan”la martın 6-da Londonda keçirilən cavab oyununda layiq olmayan hərəkəti ilə bağlıdır. “Arsenal” həmin matçda 3:0 hesabı ilə qalib gəlsə də, mübarizəni dayandırdı. Çünki səfərdə daha böyük hesabla – 0:4 uduzmuşdu. Vengerin cəzası komandasının avrokuboklarda növbəti 3 oyununda tətbiq olunacaq.

Qeyd edək ki, qərar göndəriləndən sonra 3 gün ərzində apelyasiya verilə bilər.

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı