Azərbaycan futzal yığmasının dünya çempionatının pley-off mərhələsində Rusiya ilə cavab oyununu keçirəcəyi Tümendə məşqinin vaxtı müəyyənləşib. AFFA-nın futzal üzrə kuratoru Asim Xudiyev apasport.az saytına açıqlamasında millimizin Tümenə gələcəyi gün - aprelin 8-də hazırlığa çıxacağını bildirib.

Xudiyev yığmamızın matçın keçiriləcəyi Mərkəzi İdman Kompleksində yerli vaxtla 17:00-da (Bakı vaxtı ilə saat 16:00-da) mətbuat üçün açıq məşqə çıxacağını söyləyib: “Hazırlıq 1 saat nəzərdə tutulub. Bundan sonra – saat 18:00-19:00 aralığında mətbuat konfransımız olacaq. Orada millimizin braziliyalı baş məşqçisi Joze Alesio Da Silva ilə bir oyunçumuz iştirak edəcək”.

Rusların açıq məşqi və mətbuat konfransı bizdən sonra planlaşdırılıb.

Qeyd edək ki, Rusiya – Azərbaycan oyunu aprelin 9-da Bakı vaxtı ilə saat 18:00-da başlayacaq.

Mehman SÜLEYMANOV

• “Qalatasaray” 30 milyon avroluq transferi niyə baş tutmayıb?
• “Göztəpə”dən gürcüstanlı qapıçısı ilə bağlı qərar - komandadan ayrı məşq edəcək
• Messi İspaniyada ikinci klubunu almağa hazırlaşır
• “Fənərbaxça” 2 ulduzundan məhrum olacaq – “Roma” ilə oyunu buraxacaqlar
• "Komo"dan nümunəvi addım: Xərçəng diaqnozu qoyulan futbolçusu ilə müqaviləni uzatdı