“Qiymət haqda nəsə bilmirəm. Ancaq mənimlə maraqlanan xarici klublar olub”. Bu sözləri apasport.az saytına “Neftçi” klubunun futbolçusu Bahodir Nasimov deyib.

Avropa Liqasının qrup mərhələsində “Rubin”lə oyun öncəsi mətbuat konfransında “ağ-qaralar”ın baş məşqçi Böyükağa Hacıyev özbəkistanlı hücumçu barədə maraqlı açıqlama vermişdi.

Belə ki, Hacıyev Nasimovu 1,5 milyona almaq istəyən klub olduğunu demişdi. Amma əməkdaşımızla söhbətində Bahodir bu məbləğdən xəbərsiz olduğunu bildirib: “Mənimlə Türkiyə, Rusiya və Polşa klubları maraqlanırdı. Yüksək liqa təmsilçiləri idi. Ancaq danışıqların gedişi haqda məlumatım yoxdur. Müqavilə ilə “Neftçi”nin futbolçusuyam və burada çıxışımı davam etdirirəm”.

• Zidan Fransa millisində ilk məşqini keçirdi – Debüt Türkiyəyə qarşı olacaq
• Şeşko yenidən zədələndi – MİLLİNİN DÜŞƏRGƏSİNİ TƏRK ETDİ
• İngiltərə millisində zədə şoku - 5 futbolçu düşərgəni tərk etdi
• “Qalatasaray”dan Okan Burukla bağlı açıqlama
• “Fənərbaxça”nın futbolçusu əməliyyat olunub - 2 ay oynamayacaq