Adı bir çox klubların transfer siyahısında yer alan Uesli Sneyderin “Liverpul”la razılığa gəldiyi iddia edilir. Apasport.az saytının “Gazzetta Della Sport”a istinad məlumatına görə, sözügedən komandanın baş məşqçisi Brendan Rodriqesin sərəncamında görmək istədiyi futbolçulardan biri olan hollandiyalı yarımmüdafiəçi, Premyer Liqa təmsilçisinin formasını geyinməyə çox yaxındır.

Belə ki, hər iki rəhbərlik artıq danışıqlara başlayıb. İngilis klubu Sneyder üçün “İnter”ə 10 milyon avro təklif edib. Lakin futbolçunun özü “Liverpul”a gedib-getməyəcəyi dəqiq bilinmir. Bu məsələyə isə yaxın günlərdə aydınlıq gələcək.

Qeyd edək ki, daha öncə də Uesli Sneyderin digər ingilis komandası “Tottenhem”lə anlaşdığı xəbəri gündəmə gəlmişdir. Lakin 28 yaşlı yarımmüdafiəçi bunları təkzib etmişdir.

• Genduzinin cəzası azaldıldı – “Aston Villa”ya qarşı oynayacaq
• Braziliya Avstraliya ilə bacarmayıb
• Zidan Fransada yeni qadağa qoydu – Bərbərlər bazaya buraxılmayacaq
• Dursun Özbekdən Okan Buruka tam dəstək – “27-ci çempionluğa gedirik”
• Almaniya millisində iki ciddi itki – Musiala və Haverts sıradan çıxdı