“Milan” Aleksandre Pato ilə yollarını ayırdı. Apasport.az saytının məlumatına görə, braziliyalı hücumçu “Korintians”a transfer olunub. Tez-tez zədələndiyi üçün meydana çıxa bilməyən 23 yaşlı forvard Braziliya klubuna 15 milyon avro qarşılığında keçib və 4 illik müqavilə bağlayıb.

Pato bununla bağlı italiyalı azarkeşlərinə məktubda yazıb: “Milan”da unudulmaz illər keçirdim. Mənə verdiyiniz dəstəyi heç vaxt unutmayacağam. “Korintians”da mütəmadi olaraq meydana çıxacağım üçün xoşbəxtəm. Ancaq “Milan”ı unutmaq mənim üçün asan olmayacaq”.

Qeyd edək ki, Aleksandre Pato 2007-ci ildən Milan təmsilçisinin formasını geyinir. O, bu mövsüm A seriyasında rəqib qapılarından qol keçirməyi bacarmayıb.

• Genduzinin cəzası azaldıldı – “Aston Villa”ya qarşı oynayacaq
• Braziliya Avstraliya ilə bacarmayıb
• Zidan Fransada yeni qadağa qoydu – Bərbərlər bazaya buraxılmayacaq
• Dursun Özbekdən Okan Buruka tam dəstək – “27-ci çempionluğa gedirik”
• Almaniya millisində iki ciddi itki – Musiala və Haverts sıradan çıxdı